Paper short abstract:

Конференциянинг ушбу секциясида Ўзбекистоннинг ўрта асрлар тарихи, хусусан, сиёсий, ижтимоий-иқтисодий ҳаётда юз берган жараёнлар ва уларнинг кам ўрганилган жиҳатларини расмий ҳужжатлар асосида ёритишга қаратилган.

Paper long abstract:

Конференциянинг ушбу секциясида Ўзбекистоннинг ўрта асрлар тарихи, хусусан, сиёсий, ижтимоий-иқтисодий ҳаётда юз берган жараёнлар ва уларнинг кам ўрганилган жиҳатларини расмий ҳужжатлар асосида ёритишга қаратилган. Унда XVI -XIX аср биринчи ярми Ўзбекистон ҳудудида мавжуд бўлган давлатлар: Бухоро, Хива ҳамда Қўқон хонликлари тарихининг бугунги кунга қадар баҳс-мунозарали бўлиб турган ва кам ўрганилган жиҳатларига эътибор қаратилади. Хусусан, ўрта асрларга оид форс, чиғатой (туркий), усмонли турк, эски рус тилларидаги турли расмий ҳужжатларлар таҳлил этилади. Расмий ҳужжатлар давлат аҳамияти даражасида бўлган масалаларни акс эттириши ҳамда тарихий воқеъликнинг расмий томонини ифода қилиши билан билан ажралиб туради. Шу жиҳатдан, ўрта аср маҳаллий манбаларида, бевосита, сарой солномаларида кам учрайдиган, сиёсий ва ижтимоий-иқтисодий жараёнлар жумладан, давлат бошқаруви ва ҳокимият легитимацияси, ҳарбий тарих, дипломатик муносабатлар тарихи, минтақадаги сиёсий вазият ва унга таъсир этувчи халқаро майдондаги асосий факторлар, савдо-божхона масалалари ва вақф мулкчилигига оид маълумотларни аниқлашда расмий ҳужжатлар муҳим ўрин тутади. Расмий ҳужжатлар билан бирга, улар сақланадиган фондлар, хусусан Россия, Туркия, Эрон ва Ўзбекистон давлат архивлари йиғма жилдлар ҳамда улардаги илмий муомалага тортилмаган ёки кам ўрганилган ҳужжатлар ҳақида сўз юритилади.